រាជនីគោកធ្លក

វិស្សមការអំពិលអំពែក

វិស្សមកាលដ៏ខ្លីមួយ ប្រែក្លាយជាថ្ងៃដែលធ្វើឱ្យខ្ញុំចងចាំ ចាំរាល់ពាក្យសន្យាដែលសល់ត្រឹមសម្ដី ព្រោះអ្វីៗបានរសាត់បាត់ទៅតាមកម្លាំងទឹកសមុទ្រ ដែលបោកវិលវល់ពុំមានកោះត្រើយ។គ្រប់ទិនទិវា ខ្ញុំបន់ស្រន់សូមកុំមានពេលថ្ងៃ ឲ្យមានតែពេលយប់ ឱ្យខ្ញុំលន់លក់នៅក្នុងសុបិន ដែលមានគេនៅក្បែរ។

សង្ឃរា

"ក្ដីស្រឡាញ់ដែលមិនបានចេញពីបេះដូង ដូចជាផ្ទះដែលគ្មានគ្រឹះរឹងមាំ! មើលពីខាងក្រៅអាចសមភ្នែកអ្នកដទៃ ប៉ុន្ដែមានតែម្ចាស់ផ្ទះទេដែលដឹងថា គ្រប់យ៉ាងសុទ្ធតែជាការរៀបចំ។ សង្ឃរា​ គឺជាទំព័រជីវិតមួយ ដែលលាតត្រដាងពីជីវិតគ្រួសារមួយដែលចាក់ស្រេះទៅដោយបញ្ហាជាច្រើនរាប់មិនអស់។ ជីវិតគ្រួសារមួយដែលត្រូវឆ្លងកាត់ដ៏មហិមាស្ទើរតែមិនអាចឆ្លងផុតបាន។ ប៉ុន្ដែពេលដែលសង្ឃរាបក់បោកផុតទៅ រលកនឹងស្ងប់ហើយមេឃប្រាកដជាស្រលះល្អមិនខានឡើយ។"

សំឡេងខ្សឹប

"វាមិនសំខាន់ទេថាពួកយើងនឹងស្គាល់គ្នាអាចមានឱកាសជួបគ្នាឬអត់។ រឿងដែលសំខាន់នោះគឺអ្នកនឹងអាចចងចាំបំណែកណាមួយនៃ “សំឡេងខ្សឹប” របស់ខ្ញុំដែលប៉ះដល់បេះដូងរបស់អ្នក។ គ្មាននរណាម្នាក់អាចនៅលើលើកទឹកចិត្តអ្នកគ្រប់ពេលវេលានោះទេ ព្រោះនៅពេលណាមួយ គ្រប់គ្នាគង់តែចាកចេញទៅដោយចៀសមិនបាន។ ដូច្នេះហើយទោះជាមិនអវត្តមានខ្ញុំក៏ដោយ “សំឡេងខ្សឹប” នឹងនៅតែស្ថិតជាមួយអ្នករាល់ពេលដែល អ្នកជួបបញ្ហាដូចបទនិពន្ធណាមួយរបស់ខ្ញុំដែរ។ “ជីវិតនេះ គឺពោរពេញទៅដោយបញ្ហាតែអ្នកត្រូវខ្សឹប ប្រាប់ខ្លួនឯងថាបើគេឆ្លងកាត់បាន ខ្ញុំក៏អាចឆ្លងកាត់បានដូចគ្នា!”"

កំណើតទុរភិក្ស

ក្នុងនាមជាគ្រូពេទ្យប្រចាំភូមិម្នាក់ វីវីដស្វះស្វែងរិះរកគ្រប់វិធីដើម្បីព្យាបាលជំងឺដ៏ចម្លែកដែលកើតឡើងទៅលើអ្នកភូមិរបស់នាងសឹងតែគ្រប់គ្រួសារ។ ប៉ុន្តែភាពបរាជ័យ ហាក់ប្រតោងខ្លួននាងជាប់។ នាងទើបដឹងខ្លួនថា កំណើតរបស់នរណាម្នាក់នឹងនាំមកនូវសេចក្ដីវិនាសអន្តរាយ...

ប្រលោមចិត្តភាគ ១

សម្លាញ់មិនមែនស្រឡាញ់

ខ្ញុំលួចស្រលាញ់មិត្តភក្តិខ្លួនឯងអស់រយៈពេលពីរឆ្នាំមកហើយ ប៉ុន្តែជំនួសឱ្យការស្រលាញ់ គេចាត់ទុកខ្ញុំត្រឹមជាសម្លាញ់ប៉ុណ្ណោះ។ស្នេហ៍តែម្ខាងដែលម្នាក់ព្យាយាមលាក់បាំងចំពោះអ្នកដែលមិនច្បាស់ពីអារម្មណ៍របស់ខ្លួន តែបែរជាម្នាក់ផ្សេងទៀតជាអ្នកទទួលដឹងឮ។

បុរសឈុតពណ៌ស ភាគ១

មានតែរឿងពីរយ៉ាងគត់ដែលខ្ញុំដឹងពីគេ... ទីមួយគេជាបុរសក្នុងឈុតពណ៌ស... ហើយទីពីរ គេមានឈ្មោះថា... “តារាវុធ” ជីវិតជាអ្នកឌីហ្សាញន័រសម្លៀកបំពាក់ដ៏សាមញ្ញម្នាក់ ចាប់ផ្តើមប្រែប្រួល រញ៉េរញ៉ៃ ចាប់ពីថ្ងៃដំបូងដែលបុរសម្នាក់ស្ថិតក្នុងឈុតសម្លៀកបំពាក់ពណ៌ស ប្រាកដខ្លួនឡើង នៅចំកណ្តាលបន្ទប់អាផាតមិនតូចរបស់ខ្ញុំ...ជាមួយហេតុផលមួយឃ្លាថា ការណ៍ដែលគេមកនេះ គឺដើម្បីជួយខ្ញុំ។

រាជវាំងក្រោមដី

ក្នុងដំណើររុករករាជវាំងក្រោមដី​ ដែលជា​ទី​ដ៏ពិសិដ្ឋ​និងជា​ភារកិច្ច​ដែលត្រូវបំពេញ។ សោមា ចន្ទ្រា នឹងនាំទាំងអស់គ្នាទៅកាន់ដែនដីដែលត្រូវបានហៅថា «សមុទ្រអាណាចក្រទេព» លើសពីនេះនាង​ នឹងនាំអ្នកអានទៅកាន់ដែនដី​អនាគត​ ជួបរឿង​ភ្ញាក់ផ្អើល​ និង​មហស្ចារ្យ​រាប់មិនអស់។

ថ្ងៃថ្មីនៅតែមាន ភាគ ៣

"ជីវិិតដែលត្រូវឆ្លងកាត់ព្យុះភ្លៀង ទាំងមិនបានត្រៀមទុកជាមុន... វាពិតជាហត់នឿយណាស់ ប៉ុន្ដែក្រោយពីឆ្លងកាត់រឿងទាំងនោះហើយ យើងនឹងដឹងថា វាជាមេរៀនដ៏មានតម្លៃ ដែលជីវិតមួយនេះបានផ្តល់ឱ្យ។ ពេលខ្លះវាអយុត្តធម៌បន្ដិចមែន ហេតុអីរឿងអាក្រក់ទាំងនេះកើតឡើងលើយើង ប៉ុន្ដែបើយើងហ៊ានតស៊ូ ហើយមិនចុះចាញ់នឹងវាសនា នោះយើងនឹងអាចសាងខ្លួនយើងឱ្យក្លាយជាមនុស្សរឹងមាំ និងហ៊ានឈានទៅរកក្ដីស្រមៃរបស់ខ្លួនមិនខាន។ ខ្សែជីវិតរបស់ប្រាថ្នា ត្រូវជួបនូវបញ្ហាជីវិតច្រើនរាប់មិនអស់ ធ្លាប់បាត់បង់មនុស្សជាទីស្រឡាញ់ ត្រូវធ្វើជាមនុស្សធំទាំងខ្លួននៅក្មេង ទាំងមិនដឹងថា ខ្លួនចង់បានអ្វីឱ្យប្រាកដ។ តើប្រាថ្នាត្រូវដោះស្រាយបែបណា ដើម្បីឱ្យជីវិតនាងមានពន្លឺរស្មីឡើងវិញ?"

រលកបោកខ្សាច់

រលកបោកខ្សាច់ ជាស្នាដៃដែលខ្ញុំបាននិពន្ធឡើង នៅក្នុងឆ្នាំ១៩៩៥ ដើម្បីចូលរួមប្រលងប្រជែង យកពានរង្វាន់អក្សរសិល្ប៍ “ព្រះសីហនុរាជ” ហើយក៏ជាស្នាដៃដំបូងដែលខ្ញុំបានទទួលជ័យលាភី ហើយក៏អាចឱ្យខ្ញុំបានក្លាយទៅជាអ្នកនិពន្ធដែលមានការទទួលស្គាល់ពីសមាគមអ្នកនិពន្ធខ្មែរនៅក្នុងឆ្នាំនោះផងដែរ។ រលកបោកខ្សាច់ជាស្នាដៃដែលពោរពេញទៅដោយអនុស្សាវរីយនៃការចាប់ផ្តើមដំបូងរបស់ខ្ញុំ។ ស្នាដៃរឿង រលកបោកខ្សាច់ បានផ្លាស់ប្តូរជីវិតរបស់ខ្ញុំពីអ្នកនិពន្ធទន្សាយដ៏សាមញ្ញម្នាក់ដែលត្រឹមតែសរសេរដៃដាក់ជួលនៅតាមផ្ទះជួលនានា ឱ្យបានក្លាយទៅជាអ្នកនិពន្ធម្នាក់ដែលមានការទទួលស្គាល់ ហើយបានបោះពុម្ពសៀវភៅជាស្នាដៃរបស់ខ្លួនឯងជាលើកដំបូងបង្អស់។

You ទំព័រចុងក្រោយ

អ្នកមានស្នេហាទាំងអស់សុទ្ធតែចង់ធ្វើជាទំព័រចុងក្រោយក្នុងជីវិតរបស់មនុស្សដែលខ្លួនស្រលាញ់! តែអ្នកត្រូវចាំថា ពេលដែលអ្នកចង់បានអ្វីមួយ អ្នកអាចនឹងសមបំណង ឬក៏ខកចិត្ត ព្រោះទ្វារនេះគេជាអ្នកកាន់កូនសោ។

ថ្ងៃថ្មីនៅតែមាន ភាគ១

គ្មាននរណាម្នាក់អាចជ្រើសរើសកន្លែងកើតបាន ហើយក៏គ្មាននរណាម្នាក់ដែលល្អឥតខ្ចោះនោះដែរ។ យើងអាចធ្លាប់សាងកំហុស ទទួលភាពបរាជ័យ ធ្លាប់ទទួលការឈឺចាប់ ត្រូវគេមាក់ងាយ ហើយទទួលបានការវាយតម្លៃពីមនុស្សជាច្រើន ប៉ុន្តែថ្ងៃថ្មីនឹងអាចនាំនូវក្ដីសង្ឃឹមថ្មី ហើយយើងនៅតែមានឱកាសក្នុងការច្នៃវាសនាខ្លួនឯងឱ្យបានប្រសើរជាងថ្ងៃម្សិលមិញមិនខានឡើយ។ យើងត្រូវចេះផ្តល់ស្នាមញញឹម និងក្ដីសង្ឃឹមសម្រាប់ខ្លួនឯងជានិច្ច។ សិលា និងកញ្ចនាកើតនៅក្នុងវណ្ណៈផ្សេងគ្នា ជួបរឿងរ៉ាវជីវិតផ្សេងគ្នា ប៉ុន្តែអ្វីដែលពួកគេមានស្រដៀងគ្នានោះគឺ ត្រូវហែលឆ្លងឧបសគ្គជីវិតរាប់សិបជំពូក ដើម្បីទទួលបានជីវិតដែលពួកគេចង់បាន។ តើខ្សែជីវិតអ្នកទាំងពីរនឹងទៅជាយ៉ាងណា?