សុរិយា

នរក្ស

​​ព្រោះនរក្ស គឺ ស សស្អាត មិនអាចយកពណ៌ពីមនុស្សណាមកប្រឡាក់បានឡើយ។ ស្នេហាដែលគេបានផ្ដល់ឲ្យខ្ញុំ វាហាក់នាំយក ស ចេញពីខ្ញុំ ដូច្នោះទើបខ្ញុំត្រូវធ្លាក់ នរក ដូចពេលនេះ? ប៉ុន្តែខ្ញុំប្រឡាក់ពណ៌ដ៏ល្អបំផុតពណ៌ដែលគេឲ្យមកខ្ញុំ។

ថ្ងៃថ្មីនៅតែមាន ភាគ១

គ្មាននរណាម្នាក់អាចជ្រើសរើសកន្លែងកើតបាន ហើយក៏គ្មាននរណាម្នាក់ដែលល្អឥតខ្ចោះនោះដែរ។ យើងអាចធ្លាប់សាងកំហុស ទទួលភាពបរាជ័យ ធ្លាប់ទទួលការឈឺចាប់ ត្រូវគេមាក់ងាយ ហើយទទួលបានការវាយតម្លៃពីមនុស្សជាច្រើន ប៉ុន្តែថ្ងៃថ្មីនឹងអាចនាំនូវក្ដីសង្ឃឹមថ្មី ហើយយើងនៅតែមានឱកាសក្នុងការច្នៃវាសនាខ្លួនឯងឱ្យបានប្រសើរជាងថ្ងៃម្សិលមិញមិនខានឡើយ។ យើងត្រូវចេះផ្តល់ស្នាមញញឹម និងក្ដីសង្ឃឹមសម្រាប់ខ្លួនឯងជានិច្ច។ សិលា និងកញ្ចនាកើតនៅក្នុងវណ្ណៈផ្សេងគ្នា ជួបរឿងរ៉ាវជីវិតផ្សេងគ្នា ប៉ុន្តែអ្វីដែលពួកគេមានស្រដៀងគ្នានោះគឺ ត្រូវហែលឆ្លងឧបសគ្គជីវិតរាប់សិបជំពូក ដើម្បីទទួលបានជីវិតដែលពួកគេចង់បាន។ តើខ្សែជីវិតអ្នកទាំងពីរនឹងទៅជាយ៉ាងណា?

កុម្ភៈម្ដងទៀត

បុរសម្នាក់បង្ហាញខ្លួនក្នុងខែកុម្ភៈ ដើម្បីតែហេតុផង​ម៉្យាង​គឺ ជួបជាមួយមនុស្សជាទីស្រឡាញ់របស់គេ...«បើបងជាមនុស្សរបស់ខែកុម្ភៈអូនសុំជាផ្កាយរបស់ខែកុម្ភៈ។»

៣២ ឆ្នាំក្រោយមក

ខ្ញុំចាកចេញពីមាតុភូមិជាទីស្រឡាញ់ នៅខែធ្នូ ឆ្នាំ១៩៧៩ គឺមួយ ឆ្នាំគត់ ក្រោយពីកងទ័ពវៀតណាម ចូលមកកាន់កាប់ប្រទេសកម្ពុជា ខ្ញុំបាននាំមកជាមួយនូវអនុស្សាវរីយ៍ ដ៏ជូរចត់នឹងមហាខ្លោចផ្សា ។ ៣២ឆ្នាំក្រោយមក គឺនៅខែធ្នូឆ្នាំ២០១១ ខ្ញុំបានត្រឡប់ទៅលេងស្រុក កំណើត ហើយឃើញថាស្រុកខ្ញុំមានការផ្លាស់ប្តូរច្រើនណាស់។ លុះ មកដល់ប្រទេសបារាំងវិញ ខ្ញុំក៏បានសម្រេចចិត្តសរសេរ ការចាប់ អារម្មណ៍របស់ខ្ញុំ ជាកូនសៀវភៅមួយ ដើម្បីជាចំណីខួរក្បាលដល់ កូនខ្មែរជាទូទៅ ។

ប្រលោមចិត្តភាគ ១

ផ្ដើមពីក្ដីសុបិន

"មនុស្សម្នាក់ៗតែងតែគិតថា បញ្ហារបស់ខ្លួនធំជាងបញ្ហា របស់អ្នកដទៃ។ ប៉ុន្តែតាមពិតទៅ គ្រប់គ្នាគឺមានកញ្ចប់បញ្ហា ធំតូចរៀងៗខ្លួន ដែលត្រូវប្រឈមមុខដោះស្រាយ ហើយមាន តែសមត្ថភាពខ្លាំង ឬខ្សោយរបស់យើងប៉ុណ្ណោះ ទើបអាច វាយតម្លៃលើបញ្ហានោះថាវាធំឬតូចកម្រិតណាចំពោះយើង។ ឯចំពោះក្តីស្រមៃរបស់យើងម្នាក់ៗវិញ វាក៏ដូចគ្នាដែរ ដ្បិត ក្តីស្រមៃខ្លះ វាអាចគ្រាន់តែជារឿងសាមញ្ញធម្មតាក្នុងក្រសែភ្នែក អ្នកដទៃ តែវាមានតម្លៃដែលយើងត្រូវតស៊ូជម្នះឈោងចាប់ វា។ ប្រសិនបើគ្មានអ្នកណារំភើបជាមួយក្តីស្រមៃរបស់យើងទេ ចូរយើងរំភើបជាមួយវាដោយខ្លួនឯង ពីព្រោះតែក្តីស្រមៃ ទាំងអស់ហ្នឹងហើយដែលដាស់អ្នកឱ្យស្ទុះស្នាក្រោកពីដំណេក ជារៀងរាល់ព្រឹកប្រកបដោយថាមពលដ៏អស្ចារ្យ។"

ទីបញ្ចប់នៃយើងទាំងពីរ

"«ទីបញ្ចប់នៃយើងទាំងពីរ» ជាស្នាដៃមួយដែលនិយាយអំពីឆាកជីវិតដ៏ជូរចត់ កម្សត់ វេទនា របស់ក្មេងស្រីម្នាក់ដែលបង្កឡើងដោយគ្រួសារនាងផ្ទាល់។ គ្រប់គ្នាអាចនឹងគិតថា នាងជាក្មេងស្រីដែលមានសំណាង ព្រោះបានកើតមកជាកូនស្រីតែម្នាក់នៅក្នុងគ្រួសារអភិជន។ មិនមានអ្នកណានឹកស្មានដល់ថា ចំពោះនាង វាគឺជានរកនៅក្នុងឋានសួគ៌នោះឡើយ។ ទោះយ៉ាងណា នាងមិនដែលចុះចាញ់ នាងមិនដែលបោះបង់ ហើយនាងក៏មិនដែលនឹកនាចង់សម្លាប់ខ្លួន។ នាងតែងតែរឹងមាំ តែងតែតស៊ូប្រឹងរស់ព្រោះតែពាក្យថា «កតញ្ញូ» ហើយក៏ព្រោះតែភាពកតញ្ញូរបស់នាងនេះហើយ ដែលធ្វើឱ្យនាងបានជួបនឹងបុរសដ៏ល្អម្នាក់ ជាបុរសដែលស្ម័គ្រចិត្តទទួលយកគ្រប់យ៉ាងក្នុងជីវិតនាង និងព្រមលះបង់គ្រប់យ៉ាងដើម្បីទាញនាងចេញពីនរកមួយនេះ។ «ទីបញ្ចប់នៃយើងទាំងពីរ» មិនមែនជារឿងស្នេហាផ្អែមល្ហែម ប៉ុន្តែខ្ញុំសង្ឃឹមថា អ្នកនឹងបានរៀនសូត្រពីជីវិតក្មេងស្រីដ៏រឹងមាំម្នាក់នេះ ហើយនៅថ្ងៃអនាគត ពេលដែលអ្នកបានក្លាយជាម្តាយ ជាឪពុកគេ អ្នកនឹងដឹងថា ក្នុងនាមជាឪពុកម្តាយដែលមានទំនួលខុសត្រូវ អ្នកគួរចិញ្ចឹម និងគួរផ្តល់ក្តីស្រលាញ់ដល់កូនដោយរបៀបណា។"

បានត្រឹមសោកា

បាន អោបក្រសោបស្រស់វរលក្ខណ៍ ត្រឹម រង្វង់ភក្ត្រនិងនេត្រា សោ មាសដួងចិត្តស្វិតឫស្យា ការ ទាំងទុក្ខលុះថ្ងៃព្រាត់

កោះទីបីតណ្ដប់

​សៀវភៅ​បែប​ផ្សងព្រេង​ អាថ៌កំបាំង​ និង​អភីនិហារ​និយាយពីការចុះ​កម្មសិក្សា​ស្រាវជ្រាវ​របស់និស្សិត​បុរាណវិទ្យា​ដើម្បីរក​ស្លាកស្នាម​ប្រវត្តិសាស្ត្រ​នៅ “ប្រជុំកោះ​គ្រុឌ​“ រឿងរ៉ាវ​ជាច្រើនបានកើតឡើងជា​បន្តបន្ទាប់ដែលនាំឱ្យពួកគេជួប​ព្រឹត្តិការណ៍​​មួយចំនួនដែលនឹកស្មានមិនដល់​។

ត្បូងរំដួលចុងក្រោយ

ត្បូងរំដួលនោះគឺខ្ញុំទទួលបានពីស្តេចភុជុង្គនាគផ្ទាល់ វាប្រាកដណាស់ថាជាភារកិច្ចរបស់ខ្ញុំដែលត្រូវធ្វើ ដើម្បីជួយសង្គ្រោះ ពង្សសាវតានាគ។ “ជឿគ្នាទៅ! ឯងលាដៃឡើងមក” កញ្ចានាហាក់ជឿជាក់ ខ្ញុំក៏សម្រេចចិត្តភ្លាមៗ។

សត្រូវទី១

រស់នៅក្នុងសង្គមមនុស្ស ចួនកាលយើងខឹងនឹងមនុស្ស នៅជុំខ្លួនដោយគ្នាគ្មានកំហុសសោះ នោះព្រោះតែយើង ស្រឡាញ់ខ្លួនឯងពេក ប្រកាន់ផ្តេសផ្តាសច្រើនពេក និងរហ័សយល់ខុលខ្លាំងពេកដែរ។

ត្រ័យទ្វារ ប្រអប់ខ្មៅ

ប្រអប់ខ្មៅកញ្ចាស់មួយ ដែលបានលាក់ទុកក្នុងបន្ទប់ក្រោមដីយ៉ាងសម្ងាត់ វាជារបស់មួយដែលមនុស្សគ្រប់គ្នាប្រាថ្នាចង់បាន ប៉ុន្តែវាបែរជាក្លាយជារបស់មានវិញ្ញាណដែល លងបន្លាចអ្នក រហូតធ្វើឱ្យអ្នកគិតថានេះជាកំហុសយ៉ាងធំមួយ​ ដែលអ្នកបានប៉ះពាល់ពាក់ព័ន្ធនឹងវា។